Poetry

---

---

A Nice Ghazal For You...

Juda Honey K Mosam Main Juda Hona Bhi Parta Hai 
Jisey Mushkil Se Paya Ho Usey Khona Bhi Parta Hai

Khudi Pe Maan Itna Hai Kabhi Murr Kr Nahi Dekha

Jisey Keh Dun K Mera Hai Usey Hona Bhi Parta Hai

Mujhy Neend Nahi Aati us ki Yaad Aaney K Baad

Magar Ek Khuwab Ki lalach Main Phir Sona Bhi Prta Hai

Hamisha Hansta Rehta Hun Chupa K Gham Mohabbat K

Magar Jb us ka Naam Aaye To Phir Rona Bhi Parta Hai.

---

---

On 6th September for Pakistan Army

Shaheedan-e-Watan K Hausly Thy Deed K Qabil,

Wahan Par Shukr Krty Thy, Jahan Sabr Mushkil Tha.....

---

---

On 6th September, Special for Pakistan Army

Har Bar Ki Tarha Is Bar Bhi EID Tujh Pe Qurban Kar Jaon Ga,

Main Ye Eid Bhi Teri Rakhwali Mein Guzraon Ga,

Hathon Mein Raifal Seene Pe Golian Sajaon Ga,

Aaye Watan Main Ye Eid Bhi Teri Sar Hadon Pe Manaon Ga,

Apni Khushian Gham Apne Tere Sath Hi Manaon Ga,

Aye Watan Katt Jaye Sar Tan Se,

Par Teri Qasam Tujhe Bachaon Ga,

Main Ye EID Bhi Teri Sar Hadon Pe Manaon Ga..

---

---

On Present situation of Pakistan

Us Dais Mein Lagta Hai Adalat Nahi Hoti,

Jis Dais Mein Insaan Ki Hifazat Nahi Hoti,

Makhlooq-E-Khuda Jab Kisi Mushkil Mein Phansi Ho,

Sajdy Mein Parre Rehna Ibadat Nahi Hoti,

Hum Khaak Nasheeno'n Se He Kiyun Karty Hain Nafrat?

Kya Parda Nasheeno'n Mein Ghalaazat Nahi Hoti ?

Ye Baat Nayi Nasal Ko Samjhani Parry Gi,

Uryani Kabhi Bhi Saqafat Nahi Hoti,

Sir Aankhon Par Hum Us ko Bitha Lete Hain Aksar,

Jis K Kisi Waday Mein Sadaqat Nahi Hoti,

Her Shakhs Sir Pe Kafan Baandh K Nikly,

Haq K Liye Larrna To Baghawat Nahi Hoti.....

---

---

By Wasim Khan Niazi